*ಏಳು ಜನ್ಮದ ಗೆಳತಿ*

*ಏಳು ಜನ್ಮದ ಗೆಳತಿ* ಮನವ ಏಕೆ ಕಾಡುತಿರುವೆ...? ಏಳು ಸುತ್ತಿನ ಮಲ್ಲಿಗೆ ಹೇಳು ,ಮೆಲ್ಲಗೆ ಏಳು ಸುತ್ತಿನ ಮಲ್ಲಿಗೆ... ಏಳು ಜನುಮದ ಏಳು ಮಲ್ಲಿಗೆ ತೂಕದ ಈ ನನ್ನ ಮನ ಮೆಚ್ಚಿದ ಮಧುರ ಚೆಲ್ಲಿದ ದುಂಡು ಮಲ್ಲಿಗೆ... ನಿನ್ನ ಮನ ಜಾರಿದೆ ಅದಾರಿಗೆ..... ನಾ ಕಾದಿರುವೆ ಇದೋ ಮಲ್ಲೆ ಮಲ್ಲಿಗೆ ಜಾಜಿ ಸಂಪಿಗೆ ಹೂವ ಚೆಲ್ಲಿ ನಿನ್ನ ದಾರಿಗೆ..... ನಾಟಕವ ನಿಲ್ಲಿಸು ನಾಚಿಕೆಯ ಅಳಿಸು.... ನಿನಗಾಗಿ ಪರಿತಪಿಸುವ ಈ ಹೃದಯ ಉಳಿಸು... ಒಲವ ದೀವಿಗೆ ಹಚ್ಚಿ ಪ್ರೇಮ ಜ್ಯೋತಿಯನು ಚೆಲ್ಲು... ನನ್ನೀ ಹೃದಯದಿ ಬಂದು ನಿಲ್ಲು.... ನನ್ನೀ ಬಾಳಿನಂಧಕಾರವ ಕೊಲ್ಲು..... ನಂಬಿಕೆಯ ಉಳಿಸು ಪ್ರೀತಿ ಪೀಯೂಷವ ಉಣಿಸು...... ನೆಮ್ಮದಿಯ ಪುಷ್ಪವರಳಿಸು ನನ್ನ ಹೃದಯವ ಮರಳಿಸು..... ವಿ.ಕೃಷ್ಣಮೂರ್ತಿ ಅಜ್ಜಹಳ್ಳಿ