ನಿಮ್ ಜಾತಕ ಪ್ರಾಣಿಗಳ ಕೈಯಲ್ಲಿ

ನಿಮ್ ಜಾತಕ ಪ್ರಾಣಿಗಳ ಕೈಯಲ್ಲಿ! - ಯಶೋಧರ ಕೋಟ್ಯಾನ್ ಪ್ರತಿಯೊಬ್ಬರ ಜನ್ಮದಿನ, ಅವುಗಳ ಭವಿಷ್ಯ ತರಹೇವಾರಿ ಇರಬಹುದು. ಆದರೂ ನಮ್ಮ ನಿಮ್ಮೆಲ್ಲರ ಜನ್ಮದಿನಕ್ಕೂ ಪ್ರಾಣಿ ಪಕ್ಷಿಗಳಿಗೂ ಸಂಬಂಧವಿದೆ ಎಂಬುದು ಅಕ್ಷರಶಃ ಸತ್ಯ. ಒಂದೊಂದು ಸಲ ನಾವು ಪ್ರಾಣಿಗಳ ಥರಾನೇ ಆಡುತ್ತಿರುತ್ತೇವೆ. ನೋಡಿ, ಇದಕ್ಕಿಂತ ಬೇರೆ ಸಾಕ್ಷಿ ಬೇಕೇ ? ಉದಾಹರಣೆಗೆ ಜನವರಿ ೧ರಿಂದ ೯ರ ನಡುವೆ ಜನಿಸಿದ ವ್ಯಕ್ತಿಗಳ ಸಂಕೇತ ನಾಯಿ. ಅವರು ನಾಯಿಯಂತೆ ತುಂಬಾ ವಿಧೇಯರಾಗಿರುತ್ತಾರಂತೆ. ಮಾರ್ಚ್ ೧ರಿಂದ ೧೨ವರೆಗೆ ಜನಿಸಿದವರ ಪ್ರಾಣಿ ಕೋತಿ. ಅಂಥವರಿಗೆ ತಾಳ್ಮೆ ಕಡಿಮೆಯಂತೆ. ಅವರು ಬಹಳ ಉದ್ವೇಗಿಗಳಾಗಿರುತ್ತಾರೆ. ಹೀಗೆ ನಿಮ್ಮ ಜನ್ಮದಿನಾಂಕವನ್ನು ಆಧರಿಸಿ, ಅದಕ್ಕೆ ಸಂಕೇತವಾದ ಪ್ರಾಣಿಗಳ ಜತೆ ನಿಮ್ಮ ಗುಣ, ಪ್ರವೃತ್ತಿ, ಮನಃಸ್ಥಿತಿಯನ್ನು ಅರಿತುಕೊಳ್ಳಿ ! ಜನ್ಮದಿನ ಅದರ ಸಂಕೇತ ಜನವರಿ ೦೧-೦೯ - ನಾಯಿ ಜನವರಿ ೧೦-೨೪ - ಇಲಿ ಜನವರಿ ೨೫-೩೧ - ಸಿಂಹ ಫೆಬ್ರವರಿ ೦೧-೦೫ - ಬೆಕ್ಕು ಫೆಬ್ರವರಿ ೦೬-೧೪ - ಪಾರಿವಾಳ ಫೆಬ್ರವರಿ ೧೫-೨೧ - ಆಮೆ ಫೆಬ್ರವರಿ ೨೨-೨೮ - ಚಿರತೆ ಮಾರ್ಚ್ ೦೧-೧೨ - ಕೋತಿ ಮಾರ್ಚ್ ೧೩-೧೫ - ಸಿಂಹ ಮಾರ್ಚ್ ೧೬-೨೩ - ಇಲಿ ಮಾರ್ಚ್ ೨೪-೩೧ - ಬೆಕ್ಕು ಏಪ್ರಿಲ್ ೦೧-೦೩ - ನಾಯಿ ಏಪ್ರಿಲ್ ೦೪-೧೪ - ಚಿರತೆ ಏಪ್ರಿಲ್ ೧೫-೨೬ - ಇಲಿ ಏಪ್ರಿಲ್ ೨೭-೩೦ - ಆಮೆ ಮೇ ೦೧-೧೩ - ಕೋತಿ ಮೇ ೧೪-೨೧ - ಪಾರಿವಾಳ ಮೇ ೨೨-೩೧ - ಸಿಂಹ ಜೂನ್ ೦೧-೦೩ ಇಲಿ ಜೂನ್ ೦೪-೧೪-ಆಮೆ ಜೂನ್ ೧೫-೨೦ - ನಾಯಿ ಜೂನ್೨೧-೨೪ - ಕೋತಿ ಜೂನ್ ೨೫-೩೦ - ಬೆಕ್ಕು ಜುಲೈ ೦೧-೦೯ - ಇಲಿ ಜುಲೈ ೧೦-೧೫ - ನಾಯಿ ಜುಲೈ ೧೬-೨೬ - ಪಾರಿವಾಳ ಜುಲೈ ೨೭-೩೧ - ಬೆಕ್ಕು ಆಗಸ್ಟ್ ೦೧-೧೫ - ಕೋತಿ ಆಗಸ್ಟ್ ೧೬-೨೫ - ಇಲಿ ಆಗಸ್ಟ್ ೨೬-೩೧ - ಆಮೆ ಸೆಪ್ಟೆಂಬರ್ ೦೧-೧೪ - ಪಾರಿವಾಳ ಸೆಪ್ಟೆಂಬರ್ ೧೫-೨೭ - ಬೆಕ್ಕು ಸೆಪ್ಟೆಂಬರ್ ೨೮-೩೦ - ನಾಯಿ ಅಕ್ಟೋಬರ್ ೦೧-೧೫ - ಕೋತಿ ಅಕ್ಟೋಬರ್ ೧೬-೨೭ - ಆಮೆ ಅಕ್ಟೋಬರ್ ೨೮-೩೧ - ಚಿರತೆ ನವೆಂಬರ್ ೦೧-೧೬ - ಸಿಂಹ ನವೆಂಬರ್ ೧೭-೩೦ - ಬೆಕ್ಕು ಡಿಸೆಂಬರ್ ೦೧-೧೬ - ನಾಯಿ ಡಿಸೆಂಬರ್ ೧೭-೨೫ - ಕೋತಿ ಡಿಸೆಂಬರ್ ೨೬-೩೧ - ಪಾರಿವಾಳ ಬೆಕ್ಕು ನೀವು ಅತ್ಯಂತ ನಂಬಿಕಸ್ಥರು, ಪ್ರೀತಿಪಾತ್ರರು. ನಿಮ್ಮದು ಬೆಕ್ಕಿನ ಹಾಗೆ ನಾಚಿಕೆಯ ಸ್ವಭಾವ. ಕೆಲವೊಮ್ಮೆ ಪ್ರಶಾಂತವಾಗಿ ಕುಳಿತುಕೊಳ್ಳುವುದು ಅಂದರೆ ನಿಮಗೆ ಬಲು ಇಷ್ಟ. ಪ್ರತಿಯೊಂದು ವಿಚಾರವನ್ನೂ ಸಂಪೂರ್ಣವಾಗಿ ವಿವರಿಸಲು ಇಷ್ಟಪಡುತ್ತೀರಿ. ನಿಮಗೆ ಹೆಚ್ಚು ಹೆಚ್ಚು ತಿಳಿದುಕೊಳ್ಳುವ ಆಸಕ್ತಿ ಇದೆ. ನೀವು ಫ್ಯಾಷನ್ ಪ್ರಿಯರು ಬೇರೆ. ಎಲ್ಲರ ಜತೆ ಸಲೀಸಾಗಿ ಒಡನಾಡುತ್ತೀರಿ. ಅಪರಿಚಿತರ ಜತೆಗೆ ನೀವು ಹೆಚ್ಚು ಮಾತನಾಡಲು ಇಷ್ಟಪಡುವವರಲ್ಲ. ಸ್ನೇಹಿತರ ಆಯ್ಕೆಯಲ್ಲಿ ಎಡವಬೇಡಿ. ಚಿರತೆ ಕಾಡಿನಲ್ಲಿ ಅವಿತಿಟ್ಟುಕೊಂಡಿರುವ ಚಿರತೆಯ ಹಾಗೆ ನೀವು ತುಂಬಾ ಗೌಪ್ಯ ವ್ಯಕ್ತಿತ್ವದವರು. ಯಾವುದೇ ವಾತಾವರಣವನ್ನೂ ಅತ್ಯಂತ ಸಮರ್ಥವಾಗಿ ನೀವು ನಿಭಾಯಿಸಬಲ್ಲಿರಿ. ಪ್ರೀತಿಯಿಂದಾಗಿ ಆಗಾಗ ಗಾಸಿಪ್ಗಳಿಗೂ ವಸ್ತುವಾಗುತ್ತೀರಿ. ನಿಮ್ಮ ಅಭಿಲಾಷೆಯಂತೆ ಬೇಡಿಕೆ ಈಡೇರಿಸಲು ಬಯಸುತ್ತೀರಿ. ಆದರೆ ಕೆಲವೊಮ್ಮೆ ವಿಫಲರಾಗುತ್ತೀರಿ. ಆ ಪರಿಣಾಮವಾಗಿ ಸಂಬಂಧ ಮುರಿಯಬಹುದು. ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡುವ ಗುಣ ನಿಮ್ಮದು. ನಾಯಿ ನಿಮ್ಮ ಜನ್ಮದಿನದ ಪ್ರಕಾರ ಇದರ ಸಂಕೇತ ಪ್ರಾಣಿ ನಾಯಿ. ಅಂದರೆ ನೀವು ಅತ್ಯಂತ ವಿಧೇಯರೇ ಸರಿ. ಕೆಲಸದಲ್ಲಿನ ನಿಮ್ಮ ಪ್ರಾಮಾಣಿಕತೆ ಪ್ರಶ್ನಿಸುವಂತೆಯೇ ಇಲ್ಲ. ನೀವು ಬಹಳ ಸರಳ ಹಾಗೂ ಡೌನ್ ಟು ಅರ್ಥ್. ಬಟ್ಟೆಯ ಆಯ್ಕೆಯಲ್ಲಿ ನಿಮಗೆ ಒಳ್ಳೆಯ ಅಭಿರುಚಿ ಇದೆ. ಕೆಲವೇ ಸ್ನೇಹಿತರಿದ್ದರೂ ಅವರೆಲ್ಲ ಪ್ರತಿಷ್ಠಿತ ವ್ಯಕ್ತಿಗಳೇ ಆಗಿರುತ್ತಾರೆ. ಸಿಂಹ ನಿಮ್ಮ ಸಂಕೇತಕ್ಕೆ ನಿಮ್ಮ ಸ್ವಭಾವ ತದ್ವಿರುದ್ಧ. ಏಕೆಂದರೆ ನೀವು ಶಾಂತಿಪ್ರಿಯರು. ಜಗಳದ ಸನ್ನಿವೇಶವನ್ನು ತಪ್ಪಿಸುವ ಚಾಕಚಕ್ಯತೆ ನಿಮ್ಮಲ್ಲಿದೆ. ನೀವು ಒಂದೇ ಜಾಗದಲ್ಲಿ ಹೆಚ್ಚು ಹೊತ್ತು ಇರುವವರಲ್ಲ. ಹುಟ್ಟಿನಿಂದಲೂ ನಿಮಗೆ ನಾಯಕತ್ವ ಗುಣವಿದೆ. ಕೆಲಸ ಮಾಡಿಸುವುದರಲ್ಲಿ ನೀವು ನಿಸ್ಸೀಮರು. ನಿಮ್ಮನ್ನು ಪ್ರೀತಿಸುವವರನ್ನು ಕಂಡರೆ ನಿಮಗೆ ಅತೀವ ಅಕ್ಕರೆ. ನಿಮ್ಮ ಒಳ್ಳೆಯ ಗುಣವನ್ನು ದುರ್ಬಳಕೆ ಮಾಡುವವರ ಬಗ್ಗೆ ಎಚ್ಚರ ವಹಿಸಿ. ಕೋತಿ ನಿಮ್ಮ ಜನನ ಪ್ರಾಣಿ ಕೋತಿ. ಅದರ ಹಾಗೆಯೇ ನಿಮಗೂ ತಾಳ್ಮೆ ಕಡಿಮೆ. ಉದ್ವೇಗ ಜಾಸ್ತಿ. ಯಾವುದೇ ಕೆಲಸವನ್ನು ಆದಷ್ಟು ಬೇಗ ಮಾಡಿ ಮುಗಿಸಲು ಬಯಸುತ್ತೀರಿ. ಸರಳ ಗುಣದ ನೀವು ಹೃದಯಪೂರ್ವಕವಾಗಿ ಪ್ರೀತಿಸುವವರು. ಆದರೆ ನಿಮ್ಮದು ವಿಶಿಷ್ಟ ವ್ಯಕ್ತಿತ್ವ. ಎಲ್ಲ ವಿಚಾರದಲ್ಲೂ ರಕ್ಷಣಾತ್ಮಕ ಆಟವಾಡುತ್ತೀರಿ. ಅಪಾಯದಲ್ಲಿ ಸಿಲುಕುವ ಮೊದಲೇ ನಿಮ್ಮ ಸಿಕ್ಸ್ತ್ ಸೆನ್ಸ್ (ಆರನೇ ಇಂದ್ರಿಯ) ಎಚ್ಚರಿಸುತ್ತದೆ. ಪಾರಿವಾಳ ನೀವು ಪಾರಿವಾಳದಂತೆ ಸಂತೋಷ ಮತ್ತು ಅದೃಷ್ಟದ ಸಂಕೇತವಾಗಿರುತ್ತೀರಿ. ದುಃಖ, ಸಂತೋಷ ಎರಡಕ್ಕೂ ನೀವು ವಿಚಲಿತರಾಗುವವರಲ್ಲ. ಹೋದಲ್ಲೆಲ್ಲ ಸಂತೋಷವನ್ನೇ ಕೊಂಡೊಯ್ಯುತ್ತೀರಿ. ಸ್ನೇಹಿತರ ಕೂಟದಲ್ಲಿ ನೀವೊಬ್ಬ ಲೀಡರ್. ಅಗತ್ಯ ಬಿದ್ದಾಗ ಸಂತೈಸುವುದರಲ್ಲಿ ಎತ್ತಿದ ಕೈ. ನೀವು ಸಿದ್ಧಾಂತವಾದಿಗಳು. ಸೋಗಲಾಡಿತನ ಎಂಬುದು ನಿಮಗೆ ಇಷ್ಟವಾಗುವುದಿಲ್ಲ. ನೀವು ಪ್ರೀತಿಯ ಸುಳಿಗೆ ಸಿಲುಕುತ್ತೀರಿ. ಹೀಗಾಗಿ ಕೊಂಚ ಎಚ್ಚರ ವಹಿಸಿ. ಇಲಿ ನಿಮ್ಮ ಜನ್ಮದಿನಾಂಕದ ಪ್ರಕಾರ ನಿಮ್ಮ ಚಿಹ್ನೆ ಇಲಿಯಾಗಿರುತ್ತದೆ. ಹೀಗಾಗಿ ನೀವು ತುಂಬ ತುಂಟತನದಿಂದ ಕೂಡಿರುತ್ತೀರಿ. ನಿಮ್ಮ ಕಣ್ಣುಗಳು ಚುರುಕು ಮತ್ತು ಆಕರ್ಷಕ. ನಿಮ್ಮದು ಸದಾ ಹಾಸ್ಯಪ್ರವೃತ್ತಿ. ಎಲ್ಲ ಸಮಾರಂಭಗಳಿಗೂ ನಿಮ್ಮನ್ನು ಆಹ್ವಾನಿಸುತ್ತಾರೆ. ಆದರೆ ನೀವು ತುಂಬ ಸೂಕ್ಷ್ಮ ಸಂವೇದನೆಯವರು. ನಿಮ್ಮೊಂದಿಗೆ ಮಾತನಾಡಬೇಕು ಅಂತಾದರೆ ಕೆಲವರು ಹಲವು ಬಾರಿ ಯೋಚಿಸುತ್ತಾರೆ. ಆಮೆ ನಿಮ್ಮ ಸಂಕೇತ ಆಮೆಯ ಹಾಗೆ ನೀವು ಪರಿಪೂರ್ಣತೆಗೆ ಹತ್ತಿರವುಳ್ಳವರು. ಹೃದಯದಿಂದ ನೀವು ಸುಸ್ವಭಾವದವರು. ನಿಮ್ಮ ದಯಾಳುತನದ ಬಗ್ಗೆ ಸ್ನೇಹಿತರು ಚರ್ಚಿಸುತ್ತಲೇ ಇರುತ್ತಾರೆ. ನೀವೂ ಶಾಂತಿಪ್ರಿಯರು. ಆದರೆ ತಪ್ಪಿತಸ್ಥರ ಜತೆಗೆಲ್ಲ ರಾಜಿ ಮಾಡಿಕೊಳ್ಳುವವರಲ್ಲ. ಹಿಂದಿನಿಂದ ಮಾತಾನಾಡುವ ಕೆಟ್ಟ ಚಾಳಿ ನಿಮಗಿಲ್ಲ. ನೀವು ಎಲ್ಲರ ಜತೆ ಬೆರೆಯುವ ರೀತಿಯಿಂದಾಗಿ ಎಲ್ಲರಿಗೂ ನೀವು ಎಂದರೆ ಬಹಳ ಇಷ್ಟ. ನೀವು ಉದಾರ ಮನೋಭಾವದವರು. ಪ್ರತಿಫಲದ ಅಪೇಕ್ಷೆಯೂ ನಿಮಗಿಲ್ಲ.