ಅಣ್ಣಾವ್ರೇ ಏಕೆ ನಂಬರ್ ಒನ್ ?*

ಅಣ್ಣಾವ್ರೇ ಏಕೆ ನಂಬರ್ ಒನ್ ?* ಸಿ.ವಿ. ಶಿವಶಂಕರ್ ಸಂಖ್ಯಾಶಾಸ್ತ್ರದಲ್ಲಿ ನಂ. 1ಕ್ಕೆ ಒಳ್ಳೆಯ ಬೆಲೆ ಕಾರಣ ಆ ಒಂದು ಎನ್ನುವ ಸಂಖ್ಯೆ ಸೂರ್ಯನ ನಂಬರ್ ರಾಜ್ಕುಮಾರ್ ಎಂದರೆ ಅವರು ನಂ. 1ನೇ ಸಂಖ್ಯೆಯ ಆಶೀರ್ವಾದ ಪಡೆದ ಧ್ರುವತಾರೆ. ಸಂಖ್ಯೆ ಒಂದು ಸೂರ್ಯನನ್ನು ಪ್ರತಿನಿಧಿಸುತ್ತದೆ. ಸೂರ್ಯ ಗ್ರಹಗಳ ರಾಜ, ರಾಜಗ್ರಹ, ಸೂರ್ಯನ ಸಂಖ್ಯೆ ಒಂದು. ಆದರೆ ಆ ಸಂಖ್ಯೆಯ ಹೆಸರಿನ ವ್ಯಕ್ತಿ, ಸೂರ್ಯನಂತೆಯೇ ಜಗತ್ತಿಗೆಲ್ಲ ಕಾಣಿಸಿಕೊಳ್ಳುವ ವ್ಯಕ್ತಿ ಆಗುತ್ತಾನೆ. ರಾಜನಂತೆಯೇ ಕೀರ್ತಿ ಗಳಿಸುತ್ತಾನೆ ಎಂಬುದು ಲೋಕವಿದಿತ. ಚಲನಚಿತ್ರ ರಂಗದಲ್ಲಿ ಹೆಸರು ಪಡೆದ ಕಲಾವಿದರ 'ರ' ಇಲ್ಲವೆ 'ರಾ' ಎಂಬ ಅಕ್ಷರದಿಂದ ಪ್ರಾರಂಭವಾದರೆ ಅವರು ಸೂರ್ಯನಂತೆಯೇ ಪ್ರಕಾಶಿಸುತ್ತಾರೆ ಎಂದು ಸಂಖ್ಯಾಶಾಸ್ತ್ರ ತಿಳಿದವರು ಅರ್ಥೈಸುತ್ತಾರೆ. ರಾಜ್ಕುಮಾರ್ ಎಂಬ ಹೆಸರನ್ನು ಇಂಗ್ಲಿಷಿನಲ್ಲಿ ಬರೆದರೆ rajkumar ಎಂಟು ಇಂಗ್ಲಿಷ್ ಆಲ್ಫಬೆಟಿಕ್ ಅಕ್ಷರಗಳಾಗುತ್ತವೆ. ಎಲ್ಲವನ್ನು ಸಂಖ್ಯಾಶಾಸ್ತ್ರದಿಂದ ಕೂಡಿಸಿದರೆ 21126412 ಹೀಗೆ ಸಂಖ್ಯೆ ಆಗುತ್ತದೆ. ಇದೆಲ್ಲವನ್ನು ಕೂಡಿಸಿದರೆ 19 ಅಂಕಿ ಆಗುತ್ತದೆ. ಒಂದು ಮತ್ತು ಒಂಭತ್ತು ಕೂಡಿಸಿದರೆ 10 ಆಗುತ್ತೆ. ಹತ್ತರಲ್ಲಿ ಸೊನ್ನೆ ತೆಗೆದರೆ 1 ಬರುತ್ತೆ. ಒಂದು ಸೂರ್ಯನ ನಂಬರ್ ರಾಜ್ಕುಮಾರ್ ಅದೃಷ್ಟ ಸಂಖ್ಯೆ 1 ಅದು 10 ಆಗಿರಬಹುದು. 19 ಆಗಿರಬಹುದು 28 ಆಗಿರಬಹುದು 37 ಆಗಿರಬಹುದು 55 ಆಗಿರಬಹುದು. 64 ಆಗಿರಬಹುದು ಹೇಗೆ ಕೂಡಿಸಿದರೂ ಒಂದೇ... ಅವನು ಕಲಾವಿದನಾಗಿರಬಹುದು, ರಾಜಕೀಯ ವ್ಯಕ್ತಿ ಆಗಿರಬಹುದು, ಕ್ರೀಡಾಪಟು ಆಗಿರಬಹುದು. ಅಕ್ಷರದಿಂದ ಯಾರ ಹೆಸರು ಪ್ರಾರಂಭವಾಗಿರುತ್ತೋ ಅವನು ಸೂರ್ಯನಂತೆಯೇ ಜನಪ್ರಿಯನಾಗುತ್ತಾನೆ. ರಾಜ್ಕುಮಾರ್, ಎನ್.ಟಿ. ರಾಮರಾವ್, ರಜನಿಕಾಂತ್, ರಂಗರಾವ್, ರಾಜ್ಕಪೂರ್, ಎಂ.ಜಿ. ರಾಮಚಂದ್ರನ್, ರಮಾನಂದ ಸಾಗರ ಹೆಸರುಗಳ ಹಾಗೇ ಜನಪ್ರಿಯ ಹೆಸರಿನ ಮಧ್ಯದಲ್ಲಿ 'ರ' ಅಕ್ಷರ ಬಂದರೆ ಉದಾ : ವಜ್ರಮುನಿ, ಅಂಬರೀಷ್, ತೂಗುದೀಪ ಶ್ರೀನಿವಾಸ, ರಾಜೇಂದ್ರಸಿಂಗ್, ಆರತಿ, ಶ್ರೀನಾಥ್, ರವಿಚಂದ್ರನ್, ರಾಮಕಷ್ಣ, ಉಪೇಂದ್ರ, ಭಾರತಿ, ವಿಷ್ಣುವರ್ಧನ, ಶ್ರೀಧರ್ ಮುಂತಾದ ಕಲಾವಿದರ ಹೆಸರಲ್ಲೂ 'ರ' ಅಕ್ಷರ ಇದೆ. ಡಾ. ರಾಜ್ಕುಮಾರ್ರವರು ಬೆಂಗಳೂರಲ್ಲಿ ವಸತಿ ಮಾಡುವಾಗ ಹೈಲ್ಯಾಂಡ್ಸ್ ಹೊಟೆಲ್ನಲ್ಲಿ ನಂ. 10ನೇ ರೂಮಲ್ಲೇ ಇರುತ್ತಿದ್ದರು. ಕಾಕಾತಾಳೀಯವೆಂಬಂತೆ ಸೂರ್ಯನ ನಂಬರ್. 1 ಹೇಗೆ ತನ್ನ ಶಕ್ತಿ ತುಂಬಿತ್ತೋ ಹಾಗೆಯೇ ನಂ. 6 ಕೂಡಾ ರಾಜ್ಕುಮಾರ್ರವರಿಗೆ ಆಶೀರ್ವಾದ ಮಾಡುತ್ತಿತ್ತು. ಅದೇ ನಂಬರ್ ಶುಕ್ರನ ನಂಬರ್. ಶುಕ್ರ ಕಲೆಗೆ ಸಂಬಂಧಪಟ್ಟ ಗ್ರಹ, ರಾಜ್ಕುಮಾರ್ರು ಹುಟ್ಟಿದ್ದು 24ನೇ ತಾರೀಖು, 24 ಎಂದರೆ 2+4 ಸೇರಿ 6ನೇ ನಂಬರ್ ಶುಕ್ರನ ನಂಬರ್ ಆಗುತ್ತೆ. ರಾಜ್ಕುಮಾರ್ರವರಿಗೆ 1, 6, 3, 8 ಈ ಸಂಖ್ಯೆಗಳೆಲ್ಲ ಅವರಿಗೆ ಅದೃಷ್ಟ ಸಂಖ್ಯೆಗಳೇ ಆಗಿವೆ. ಸೂರ್ಯ, ಶುಕ್ರ, ಗುರು, ಶನಿ ಈ ಗ್ರಹಗಳೆಲ್ಲ ಅವರನ್ನು ಅದಷ್ಟದ ಪರಮೋಚ್ಚ ಪದವಿಗೆ ಏರಿಸಿದೆ.